Teachers Service Commission

Teachers Service Commission

शिक्षक सेवा आयोग

Teachers Service Commission

हाम्रो बारेमा

नेपालभरिका सामुदायिक विद्यालयहरूमा नेपाल सरकारबाट स्वीकृत दरबन्दीमा शिक्षक तथा कर्मचारी पदको नियुक्ति र बढुवाको सिफारिस सम्बन्धी कार्य गर्न शिक्षा ऐन, २०२८ (संशोधन सहित) को दफा ११ ख. अनुसार शिक्षक सेवा आयोग गठन भएको हो । यस आयोगले मुख्य रूपमा योग्यता प्रणालीको आधारमा शिक्षक छनोट तथा बढुवाको सिफारिस गर्ने, शिक्षण गर्न चाहने व्यक्तिलाई अध्यापन अनुमतिपत्र उपलब्ध गराउने, शिक्षक पद तथा अध्यापन अनुमतिपत्रको परीक्षाका लागि पाठ्यक्रम निर्माण तथा स्वीकृत गर्ने र शिक्षकको सेवा, सर्त तथा सुविधा सम्बन्धी विषयमा नेपाल सरकारलाई सुझाव दिने कार्यहरू सम्पादन गर्दै आएको छ ।

शिक्षकहरूको छनोटको कार्यलाई सक्षमतामा आधारित भई स्वतन्त्र र निष्पक्ष रूपमा कार्य गर्दै आएको छ । आर्थिक वर्ष २०६१।०६२ देखि खुला विज्ञापन मार्फत प्रतिस्पर्धाका आधारमा शिक्षकहरू छनोट गरी नियुक्तिका लागि सिफारिस गरिरहेको छ । त्यस्तैगरी आयोगले शिक्षकहरूको अध्यापन अनुमतिपत्रका लागि विभिन्न समयका विज्ञापन मार्फत तीनओटै तहको अध्यापन अनुमतिपत्र समेत वितरण गर्दै आएको छ ।

नेपालको संविधानमा प्रत्येक नेपाली नागरिकलाई आधारभूत शिक्षा प्राप्त गर्ने हकलाई मौलिक हकका रूपमा मान्यता प्रदान गरिएको छ । यस्तैगरी राज्यले नागरिकको आधारभूत आवश्यकता परिपूर्तिका लागि सक्षम तथा प्रतिस्पर्धी जनशक्ति उत्पादन गर्ने नीतिलाई अङ्गीकार गरेको छ । यिनै संविधान प्रदत्त हकको कार्यान्वयनका लागि गुणस्तरीय शिक्षकको आपूर्ति आवश्यक छ । नेपाल सरकारले जारी गरेको शिक्षा नीतिमा समेत व्यक्तिको सक्षमता, योग्यता र कार्यदक्षताका आधारमा शिक्षक आपूर्ति गर्ने र यसका लागि विभिन्न सङ्कायका राम्रा जनशक्ति आकर्षित गर्नेगरी प्राथमिकताका क्षेत्र निर्धारण गरिएका छन् । शिक्षक र निजहरूबाट गरिने शिक्षण सिकाइलाई समय सापेक्ष, प्रविधिमैत्री र स्तरीय बनाउदै जानुपर्ने आवश्यकतामा वृद्धि भएसँगै आयोगले शिक्षक छनोटका क्षेत्रमा थप काम गर्नु पर्ने आवश्यकता महसुस गरेको छ । सोही अनुसार आयोगले आफूलाई परिस्कृत गर्दै जाने तयारी समेत गरेको छ । जुन निरन्तर प्रक्रिया पनि हो । उल्लिखित आधारमा विकास, संवृद्धि एवम् परिवर्तनका लागि गुणस्तरीय शिक्षा र यसका लागि योग्य तथा सक्षम शिक्षकको छनोटलाई दूरदृष्टिको आधार मानी आयोगले कार्यसम्पादन गरिरहेको छ । आयोगका कामलाई निष्पक्ष, विश्वसनीय, पारदर्शी र भरपर्दो रूपमा अगाडि बढाउन सबैको सहयोग तथा सद्भावको आवश्यकता छ । यस दिशामा आम सरोकारवालाहरूबाट उपयुक्त सल्लाह, सुझाव र मार्गदर्शनको आयोग सँधै स्वागत गर्दछ ।

धन्यवाद

शिक्षक सेवा आयोग

थप बिज्ञापनहरु »
थप नतिजाहरु »


पदाधिकारी

मधु प्रसाद रेग्मी  

अध्यक्ष

नन्द कुमारी महर्जन

सदस्य

डा. डिल्लीराम रिमाल 

सदस्य
केशब प्रसाद दाहाल
 प्रशासकीय प्रमुख
सुदर्शन मरहठ्ठा
उप सचिव
(सूचना अधिकारी)
मोवाइल न‌. ९८५११०३२९९

Teachers Service Commission © 2020. All right reserved.